Paano ba ang isang palikula ay nakakaakit ng manunuod?pinangarap mo bang magpelikula?

My iba’t- ibang  klase ng pelikula, nandito yung pupukawin  ang puso mo hanggang sa tumulo ang luha sa mga mata mo,presnt din naman  yung tipong piibigan kang muli kahit isinumpa mo na ito,meron namang pelikula na papahagikgikin ka sa tuwa hanggang sa mahulog sa kinauupuan,goosebumps,ito naman ang mararanasan sa nakakapangindig pelikula,at marami pang  iba.lahat ito pumapatok sa iba’t-ibang klase ng manunuod.

Patok ang pelikula kung mahuhusay ang mga artistang gumaganap,at iba pang elenmanto na kinakailangan,ngunit higit sa lahat,epektibo dapat ang kuwento,sa likod nito ang henyong manunulat,obra ang tawag dito,isang makasinig na paglikha.

Sa buhay natin,iba’t-ibang tayo ng landas na tinatahak, iba-iba ng gampanin tayo ang bida ng pelikula natin,ang mga tao sa paligid natin ang iba’t-ibang karakter sa buhay natin,tulad sa pelikula ngunit sa ating buhay iisa lang ang lumikha o manunulat at sinisigurado niya na tama ang lahat at isa siyang tunay na henyo,sa mga pelikula may iba-ibang manunulat at ang ilan nakagagawa ng kamalian kaya nalulugi ito.

Marami mang mali na nangyayari sa buhay natin hindi tulad sa pelikula na kadalasan  ang manunulat ang may pagkukulang,sa buhay natin siguro hindi nakakabuti ang ibang karakter sa pelikula natin,o baka naman may kulang na elemento, o di kaya mismong bida ang may depekto at hindi epektibo ang paghawak sa buhay.

Sa pagsulat ng pelikula,ang isang karakter ang may sinusunod na linya o script,sinusunod niya ang direktor ng pelikula,kapag ginamampanan niya ng maayos ang kanyang karakter,panalo!,ito’y tatawaging obra.

Ang kuwento ng bawat isa sa atin ay isinulat niya,at binigyan niya tayo ng karapatan para paghawakan ito,nasa atin kung paano natin ito bibigyang buhay at epektibo,ikaw na ang bahala kung  hahayaan mong langawin ang pelikula mo at tuluyan ng malugi,”What I am is God’s gift to me,and What I am to be is my gift to God”.Tandaan mo henyo siya lumapit ka lang muli sa manunulat natin,muli gagawin niyang obra ang  kwento mo,siguradong blockbuster ang buhay mo, at buhayin mo ang pelikula mo sa makasining na pamamaraan kasama siya,bongga isang obra na kasama ang lumikha.

-Michaella SM. Vergara

BS Psych 1-B

Marami ng naipalabas na pelikula. Nguni’t merong isang pumukaw ng aking atensiyon. Ito ay ang pelikulang Narnia. Tungkol ito sa apat na bata na napunta sa isang mahiwagang lugar na humarap sa maraming pakikipagsapalaran. Ito ay base sa librong sinulat ni Clive Staples Lewis.  Maaring ang iba sa inyo ay hindi pa ito napapanood o di masyadong nagustuhan ang pelikula. Tinatanong nyo na siguro kung ano ang saysay o kaugnayan nito sa isang kabinet. Ang kabinet ay isang lalagyan ng gamit pero sa pelikulang ito, ginamit ito bilang lagusan o pinto papunta sa isang mundo iba sa atin. Pinapakita nito na ang isang imposibleng bagay ay pwedeng magkatotoo. Walang bagay na di nating kayang abutin. Tulad ng kabinet na ito na iniisip nating isang pangkaraniwang bagay ngunti naging isa itong pinto sa pagsisimula ng isang paglalakbay.

Tunay nga namang may pelikula na nagtuturo sa atin ng mga aral at ang kahalagahan ng buhay. Ikaw, anong paborito mong pelikula?

- Rose Ann S. San Luis

BS Psychology 1-b

  Ihahalimbawa ko na lang ang napanood kong Filmlikula na may pamagat na Harry Potter, madami itong parte na halos lahat ay may magical scenes. Sa Filmlikulang ito, dito ako nakita ng nasabi ko sa una na taong na nagiging hayop kung gugustuhin, mga kotseng magara na nagsisiliparan na animo’y eroplanong naglalanding, ang mga punong gumagalaw at nagsasalita at kung may masama kang gagawin kakain kana lang, nandito din ang dyaryong gumagalaw ang larawan, mga magic spell na pag-binanggit ay my mangyayari, ang istasyon ng tren na tumatagos ang mga pasahero sa pader at kung anu-ano pang nakakamangha. Hindi ba’t ang ganda, at napaka-talentado ng nag-isip at gumawa nito? Ang problema nga lang, kapani-paniwala ba sa mga mapanuring isip? Noong napanood ko ito, hangang-hanga ako sa nga napanood ko, kagila-gilalas na kamera triks. Ngunit, kahit hindi ito kapani-paniwala, hindi ko maiwasang isipin na totoo ang mga ito, hindi ko mapigilang isipin na kung totoo lamang ay sobrang cool at astig nito. Bukod pa rito, naiisip ko na kung ako ang nandoroon sa mundong iyon, hindi ko na nanaisin pang umalis dito.

  Sa mga nasabi, nakakatawang isipin na ang isang teenager na katulad ko  ay nag-mistulang bata, nang mapanood ito ay bumalik ako sa aking pag-iisip bata na tila ayaw ng bumalik sa kasalukuyan.

  True to Life Story? Aba, hindi ko ata mapapalagpas ito, ang mga madramang istorya ng buhay, na ang bida ay laging api at sawing palad ang katapusan, mga bidang namamatay dahil sa walang lunas na sakit, mga bidang nais mag-tagumpay sa kanilang laban at mga bidang at mga bidang pinag-kaitan ng kasuwertihan. Kung mapapanood mo ito mata-touch ka siguro.Naalala ko ang isang babae na naiyak dahil sa inaapi ang bida, Naaalala ko pa ang linyang sinabi ng kontra-bida “Ang kapal ng muka mo”. O diba,bongga, ang taray ng kontra-bida, pamatay na linya. Ang mga senaryong kailangang mamatay ng lalake para mailigtas ang kaparehang babae, sobrang drama diba? hindi katulad sa una na nag-dadalawang isip kapa kung totoo o hindi. Dito kapani-paniwala talaga.

  Lahat ng tao’y may kanya-kanyang hilig ng Filmlikula, mapadrama,komedya,katatakutan o romantiko man. Okey lang kahit ano pa ang iyong tipo, sa bawat Filmlikula naman ay may mapupulot ka. Para sa akin, okey lang na manuod  nito, huwag lamang ang mga malalaswang filmlikula. Ngayon, ano ang kapani-paniwala, ang misteryong nakakamangha o ang madramang filmlikula na papaiyakin ka? Tara na, pili na!

- Simbulan, John Jemuel F.

 BS psych 1B

Mayroon tayong iba’t-ibang hilig na pelikula. Nandyan ang komedi, aksyon, horrror at kung anu-ano pa. May pelikulang pumapatok sa takilya at tumatatak na rin sa puso ng masa. Ngunit maging anumang klase ‘yan ng pelikula, dapat nating alalahanin na ito ay mahalaga sa buhay ng bawat isa sa atin. Bakit? Dahil ito ay sumasalamin sa mga  mahahalagang bagay o pangyayari. Ito ang nagtatala ng buhay ng isang sikat na tao, halimbawa na lamang, ng isang bayani. Naitatala rin nito ang kasaysayan ng ating bansa o ng isang bagay. Bukod dito, maraming bagay pa ang sinasalamin nito. Hindi lang sa mismong pelikula, kundi pati na rin sa likod ng pagbuo nito. Masasalamin mo ang tunay na ugali ng tao sa kalalabasan nito. Halimbawa na lamang, ang lahat ng staff ay ‘di ginawa ang lahat ng kanilang  makakaya, natural lang na hindi magiging maganda ang kabuuan ng pelikula.

Maging anong klase man ‘yan ng pelikula, ang mahalaga ay mayroon tayong aral na natutunan mula dito. Sapagkat kapag mayroon tayong natutunan, maisasabuhay na natin ito. dito lalong napapatunayan na ito talaga ang salamin ng ating buhay. Ikaw, saan mo pa maiiugnay ang pelikula?

Geroleo, Ria Katrina DJ.

Ang Pinilakang Tabing din ay isa sa mga nagsisilbing mapagkukunan ng trabaho ng mga Pilipino. Ito ay kadalasang binubuo ng malalaking produksyon at talaga namang pinagkaka-gastusan. Ito ay nangangailangan ng isang direktor na siyang magsisilbing gabay ng kanilang grupo at siya rin ang nagbibigay ng mga instruksyon sa pag-arte ng kanilang mga artista. Ang prodyuser naman ang may responsibilidad sa mga gastusin ng kanilang produksyon. Kailangan din nila ng mga script writers para sa plot kung saan iikot ang istorya ng pelikula na tiyak na isa sa mga aabangan ng mga manunuod. Hindi rin mawawala ang mga cameramen at mahuhusay na costume designers na kanilang makakatuwang. At siyempre hindi ito makukumpleto kung walang mga  artista, baguhan man o batikan na, upang mabisang gumanap sa bawat karakter ng pelikula.

Ang Pinilakang Tabing ay talagang hindi matatawaran ang mga bagay na naibabahagi sa ating mga buhay. Bukod sa napasasaya nito ang mga tao, nakatutulong din ito na madagdagan ang mapagkukunan natin ng hanapbuhay. Minsan nga lamang mayroong mga pelikula na hindi dapat matunghayan ng mga kabataan. Lagi nating isaisisp na ang ating mga papanoorin, pelikula man o simpleng palabas sa telebisyon, ay naaakma sa ating edad at pagkakaunawa. Huwag nating gamitin ang sining na ito sa mga hindi kaaya-ayang gawain dahil malaki ang naitutulong at natututunan natin mula rito…

- Trisha Manalastas